書面語版
700公里的距離6~10集(書面語版)
第二天早上，我和小櫻出門又分道揚鑣，我去高雄找網友，她要忙做伴娘。
那天是第一次體驗台灣火車，坐計程車抵達台南火車站，光買票就已經翻盡了腦袋，原來從台南去高雄，就像尖沙嘴去美孚，西鐵線第三個站就到，但也可以荃灣線第八個站到達，而那些「線」，其實是不同種類的火車，區間車、莒光號、自強號，想要快，當然就是自強號。
排隊跟一個滿口台灣國語的工作人員叔叔溝通了很久，我聽不懂他也聽不懂，終於一邊苦笑一邊慢慢的搞懂對方意思，買到可以直達高雄火車站的自強號車票，想著可以輕輕鬆鬆，怎料就很白痴的沒發現原來是畫位票，結果隨便爬上其中一個車廂，又亂坐了人家的座位，理所當然被罵，而且是被一個牽著男朋友的惡女罵……
一樣米養百樣人，台灣人是出了名的nice，但怎麼可能每分每秒都nice？被罵當下雖然我還沒有意識到發生什麼事，也聽不清楚她在罵什麼，但從整個氣場已經知道應該是我的問題，就立刻彈跳起來，有理無理先去道歉，讓開座位，才把車票拿出來看看發生什麼事……
這個時候火車已經開了，我不敢亂跑，就在扶著站立在原地，惡女的男朋友坐下來，可能看到我一臉疑惑、前後張望搜索車卡號碼，就抬頭問我說：「妳是遊客嗎？」
點頭回應，啊～台灣男孩也真的蠻體貼！本來還想要給他看我的車票，問他這情況我是要往前還是往後，結果隱隱嗅到炸藥的氣味……沒錯，就是坐在他旁邊的女生，正在惡狠狠的瞪著我……
其實我也不是一個隨便供人尋樂惹事的人，如果我再靠北一點，要無聲無息的給妳點火，利用妳男朋友就可以了！反正妳爆炸的話，這車廂坐滿了人，大概會Youtube見，現在想起來，何止Youtube見呀？以台灣媒體的性格，應該是電視新聞見！！
不過，我沒那麼婊，也不想要害妳男朋友，況且的確是我先白痴了，千錯萬錯就我錯吧；於是轉身就若無其事的往前一卡車廂走，關門、再見！
之不過……裝瀟灑的背後，事情是還沒有解決的……
原來上車了，你就沒辦法知道這一卡是第幾卡了，尋幫助的話就只能問其他乘客這一卡是第幾卡；靠自己的話就是走到最前頭或者最後一節車廂，一個一個車廂去數！想一想，按你鴨的，才一個站、都只是半小時而已，從上水去紅磡都超過吧！在香港不就一樣是用站的！
結果，我就一整程車倚佇窗邊，塞著耳朵聽手機裡面的廣東歌，看著外面風景，從左邊差不多伸手就摸到人家房子的磚牆，到建築物越來越遠越來越稀疏，然後轉到郊外，綠油油一畝又一畝的農田飛速擦過，最後又回到大廈林立的都市，就知道我抵達高雄了，要跟第二個台灣男網友見面。
廣東話版
700公里的距離6~10集(廣東話版)
第二日朝早，我同小櫻出門又分道揚鑣，我去高雄搵網友，佢忙住做伴娘。
果日第一次坐台灣火車，坐的士抵達台南火車站，淨係買飛已經翻絞咗極多腦汁，終於拎到一張自強號嘅車票，可以直達高雄火車站，諗住可以輕輕鬆鬆，點知好白痴咁無留意原來有畫位，結果是旦爬上咗其中一卡車，又亂九咁坐咗人地個位，理所當然俾人鬧，而且係俾一個拖住條仔嘅惡女鬧……
一樣米養百樣人，台灣人出名nice，但其實點可能下下都咁nice？俾佢鬧果下雖然我未意識到咩事，都聽唔清楚佢鬧乜七，但從成個氣場已經知道應該係我有問題，就即刻彈起身，有理無理道咗歉先，讓開個位，先拎張車飛出嚟睇下究竟發生咩事……
呢個時候火車已經開了，我唔敢四圍走，就稍為扶住繼續企喺原位，結果俾惡女拖住果條仔一坐低，可能睇到我一臉疑惑、前後張望搵車卡號碼，就抬頭問我：「妳是遊客嗎？」
點頭回應，啊～台灣仔都真係幾體貼喎！本來仲想遞張車飛俾佢睇，問佢咁嘅環境我要向前定向後，結果隱隱感覺到炸藥氣味……無錯，就係坐喺佢隔離果條女，惡狠狠咁超住我……
其實我都唔係一個好惹嘅人，如果我賤格啲，要無聲無息咁放妳火，利用妳條仔就得啦！反正妳爆炸嘅話，呢卡車廂坐滿人，睇怕一定Youtube見，而家轉頭諗返起，點止Youtube見呀？以台灣媒體嘅性格，應該係電視新聞見！！
不過，我無咁衰格，唔想害死妳條仔，況且的確係我白痴在先，千錯萬錯我錯囉；於是轉身就若無其事咁向前一卡車走，閂門、拜拜你條尾！
之但係……扮瀟灑嘅背後，事情係仲未解決㗎喎……
原來上咗車，你就無辦法知道呢卡係第幾卡㗎啦，靠人嘅話就只能問坐低嘅人呢卡係第幾卡；靠自己嘅話咪就係行到最頭或者最尾，逐卡數！諗一諗妖，一個站、都係半粒鐘啫，由上水去紅磡都唔止啦！喺香港咪又係咁企！
結果，我就成程車倚住窗邊企喺度，塞住耳仔聽住手機入面嘅廣東歌，睇住外面風景，由左邊差唔多伸手就摸到人地屋企嘅磚牆，到建築物越嚟越遠越嚟越疏落，然後轉到郊外，綠油油一畝又一畝嘅農田飛速擦過，最後又返到大廈林立嘅城市，就知道我抵達咗高雄，要見第二個台灣男網友。
住喺高雄嘅網友其實唔似我同阿安咁熟，所以我只係約佢食餐飯仔，無打算長時間你眼望我眼。
同樣喺線上遊戲認識，呢個網友叫做謎謎，遊戲角式係女仔，我就一直以嚟都以為佢係女仔，結果早幾日我地約實時間嘅時候，佢先同我坦白，佢係個男仔。
高雄火車站外無幾多步已經係大馬路，前方就有的士站同巴士站，人來人往，接送車無論兩個輪定係四個輪都好多部，無法一下子就搵得到對方……透過手機相認之後，我一靠近就尋佢開心：「天啊謎妹變謎哥！」
事實上呢位謎哥都真係幾正，雖然無阿安咁高，但高我大半個頭都肯定有17X厘米，頭髮烏黑得亮麗、全往左前方梳理整齊；骨架很大可惜肉太少並不壯，著住返工嘅長袖薄裇衫但下身配一條牛仔褲，單斜揹住一個小背包喺後面，五官有少少深邃，一見到我就羞羞怯怯的，笑容靦腆極可愛！
連續兩日同帥哥同遊，究竟係我平日太過無留意世界原來有咁多靚仔，定係靚仔都係咁樣，要上網先識得到？就好似小櫻咁，要識佢咩？請到二次元世界！
「苗姊！」真糟糕！聲音沉沉穩穩、非常好聽！
「那我該叫你謎弟嗎？」係！謎謎年紀細我兩年，應該係屋企有個錢可以專心讀碩士，所以就算今日係平日，佢都唔駛話請假就可以抽到時間嚟赴約。
「叫謎謎！」佢一咁講，我同佢對望果下，感到一絲熟識……佢嘅眼神好似我某個朋友：一個已經出櫃嘅Gay！不過，謎謎未必係嘅，就算係又有乜所謂？佢開心咪得囉！
坐上佢嘅電單車，琴日坐喺阿安後面觀察咗一日，發現其實電單車後面有個扶手位，既然同謎謎無咁熟，佢又唔似阿安咁主動叫我抱腰，我就扶住後面扶手同佢講：「可以出發囉！」
「好！扶穩唷！」回我一句，就出發往高雄市中心極繁榮嘅三多商圈去，食關東煮！
謎謎係個學生，我唔想出題等佢帶我食貴嘢，所以早就喺網上搵咗檔關東煮，平平地，又有借口自己顧自己、各自付款，唔需要爭俾錢！咪好似阿安琴日咁，我淨係搶到俾嘢飲錢咋！
兩個人喺一張四人枱搵咗兩個位並排坐低食嘢，時值午餐時間人特別多，間舖又喺馬路邊無遮無掩，吵吵鬧鬧嘅唔止喺人聲，仲有呼嘯而過嘅車聲！台灣好多舖頭都係咁，只要嘢食平又好食，就唔好介意一邊拍烏蠅、一邊食塵啦！
嘈吵加上唔太熟，唔知話題要從何開始，喺我猶豫之際，謎謎先開了口：「香港不是沒有米血嗎？」
低頭望住我碗入面果支黑墨色四四方方嘅米糕，我話：「其實我不知道這是什麼」
「難怪！」謎謎微笑說：「黑色的是鴨血！我知道好多外地人都不敢吃！妳竟然就好奇拿了！」
睇嚟謎謎唔止書讀得多，仲有啲國際視野！
睇嚟謎謎唔止書讀得多，仲有啲國際視野！我最鬼中意同呢啲有料人傾計，一餐飯時間可以不知不覺學識好多嘢，又唔駛俾學費！！
回應謎謎嘅話，我望住佢將米血塞入口咬，果種同想像完全唔同嘅味道令我扁咗一下嘴，然後快速咬碎「咕嚕」吞落，就攞起碗湯飲咗幾啖……
一直望住我個反應，謎謎問：「很難吃嗎？」
「淡而無味……我還以為會醎，怎料是帶甜的！」
可能氣氛稍暖，謎謎開始露齒笑開懷：「妳剛剛的樣子有點像老外吃臭豆腐！」
「才不像老外，我看起來青春多了！」
「這倒是真的，妳看起來年紀比我小！」謎謎對我嘅第一句評論聽得我心花怒放，只係無等我回應，佢就幾乎話接話：「欸！妳是怎樣學國語的？香港人不是都講廣東話？」
「到了大學才認真學的，然後工作上需要每天聯絡上海同事，硬著頭皮就訓練出來」
「那妳不就才學了沒幾年？『好犀利呀』」謎謎忽然喺話中間彈咗一句標準廣東話，嚇咗我一跳：「這句很多台灣人都會，別嚇到！」
謎謎解釋話，以前台灣好流行香港歌同香港電影，所以有留意嘅話點都學識一兩句！
搞到我忽然覺得，謎謎知道香港好多嘢，但掉轉我對台灣嘅認識呢？除咗金城武之外，對唔住，我真係無乜留意！
「可惜現在沒有那麼流行了」
謎謎輕嘆口氣，我望住佢，覺得呢條友仔，好乸文藝，唔係搞文就係搞藝：「你大學在唸什麼？我都不知道」唔識講碩士個「碩」字，咁樣問佢應該都明卦。
「歷史哦」
「那你記憶力一定超好！」佩服！我認真佩服！讀歷史果班人，真係堅勁，而且同佢地傾計，會有好多故仔聽！
果然，謎謎讀書都唔係混，一嘢就同我講台灣歷史，荷蘭人統治、日本人統治，落落長非常有趣，啱晒我胃口；再加上佢把聲本來就攝人魂魄，而家一下子咁長篇大論，聽到我覺得有啲酥酥麻麻，真係俾佢化骨都願啦！
食完嘢先講到興起，佢就話帶我去「打狗領事館」，反正只要五點前返到高雄火車站，我呢段時間都係free，就接受佢嘅「誘拐」，意外由一餐飯，延伸出下半場遊玩去。
謎謎載住我邊騎車邊傾計，為咗聽清楚佢講咩，我挨近咗佢背脊，好幾次剎車其實都已經完全貼住佢，不過我仲係堅持扶實後面扶手，唔攬佢腰。
高雄嘅城市規劃感覺比較完善，路都很直很長，然後有一條河流滋潤著它。聽到謎謎大叫「愛河啊」，我就知道眼前嘅就是果條連名字都非常「滋潤」嘅河。好像有心靈感應咁，謎謎稍為繞咗一下就停車俾我影相。
快速影咗張相證明到此一遊，倚住欄杆觀望，人呀真係希望越大失望越大！「愛河」呢個名字改得太好聽了，本來諗住就算無「旖旎勝川」，都有「垂柳絲，花枝」卦？！家下，就算唔係生離死別，我都真係「無言暗將紅淚彈」啦啋！眼前呢條根本沙田城門河！垂柳同花枝都無條，最多或者河邊某間餐廳賣緊花枝「丸」咁啦！
「慘了什麼意境都沒了！」
聽咗我句怨言，謎謎好似知道背後意思，回答說：「本來就沒有意境呀，這河是情侶殉情之地！」
WTF，所以我心底浮出嚟果句「無言暗將紅淚彈」，某程度上同呢條河史吻合……我唔信輪迴轉世，但呢云究竟係萬物皆有靈感定係乜嘢……不祥！總之不祥！超級不祥！！啋啋啋啋啋！！
唔知係睇出我內心吶喊，定係覺得時間差唔多，謎謎轉身騎上電單車，我跟過去拎咗佢遞俾我頂頭盔，佢就望住我講：「扶後面危險，妳還是抱我的腰好了！」
唔知點解感覺「有啲嘢要嚟嘅就點都會嚟，一定要面對」，事實上佢咁樣講都係事實，為安全攬個腰啫，都只係好正常嘅事，家下咩年代，苗呀苗妳唔似咁老套喎？！
向佢點頭，騎上車攬咗謎謎條腰，感覺到我坐定，佢就開咗車；話說呢條仔認真瘦，果然無咩肉，不過因為骨架大，意外地又幾好攬喎。
其實同男仔攬攬抱抱嘅次數，我十隻手指加埋十隻腳指都唔夠數！唔係因為我有好多男朋友，而係我曾經喺美國讀書，佢地就係男男女女好輕易就攬頭攬頸攬身攬勢，所以對住西方人，其實我非常習慣擁抱；但係去美國讀書之前死讀文學，四書五經三從四德，某程度上根深柢固，更深深明白亞洲人就係較為含蓄內斂，女仔應有矜持之美。
所以除非個男仔ok，唔係我一定唔會主動，令男仔以為我咁賤「送上門」！
過咗愛河之後，唔駛幾耐就已經到咗打狗領事館。
呢間又係紅磚牆嘅建築物䇄立於小山丘上，望落好似琴日台南行過果啲古建築，迴廊無論牆璧定地板都係紅磚，迴廊外製成圓拱型窗門透光透氣，裡面真正嘅門就係白色，入去一睇明顯翻新過，白色牆、地下仲有舖木地板，令人雖然對眼睇嘅展品都係過去嘅歷史，但成個環境氣氛根本就現代，無咗果種故舊嘅味道！
一邊行一邊聽謎謎講故事，佢根本天生就係一個「說書人」，只係因為年輕所以閱歷仲係爭少少，每每經過有文字介紹嘅立牌，就會收咗聲，靜靜地由頭睇到落尾。
至於我呢個人，對歷史嘅興趣就只有當中嘅故事，例如話貞觀之治搞咗啲咩關我鬼事咩？我比較有興趣李世民點解會搞家庭革命、自己做皇帝？話說佢登基果陣，先廿八、九歲，年輕又有為，所以我極度唔理解，點解今時今日啲地方領袖，都有年齡下限？係因為現代社會無得殺頭，所以為免年紀太輕會無人聽佢支笛嗎？
對於我呢個問題，謎謎哈哈哈好開心咁笑咗，又開始講歷史，佢真係堅勁，殺頭歷史都有研究，叫我對於電視劇果啲話斬就斬嘅情節，當成西方紅心女皇下下叫斬，笑吓就好啦！
「我們怎麼會在這個地方講到殺頭呀？」參觀完園區、故事都講完，謎謎先忽然醒起，呢座「打狗領事館」就喺西子灣隔離，怪事與鬼故超級無敵多，好似不宜亂講嘢，不過唔講都講咗咁耐，又驚咩喎！
「別怕！來信上帝，耶穌罩你！」拍佢一下手臂，相視而笑。
「那既然這樣我也該回報些什麼了」謎謎看了一下手錶才說：「還有時間，帶妳去旗津！」
看我歡呼一聲，謎謎笑到見牙唔見眼，又開始同我講有關旗津嘅故事。
今次遊台灣之前，我除咗8小時全職工作外，仲自虐地喺兩個NGO（非政府組織）做緊副手，忙到十八彩，根本無時間去睇旅遊書或者搵資料，搵三多果間關東煮已經係我當時極限，都因為咁樣無論係「打狗」定係「旗津」，我都係第一次聽。更諗唔到嘅係，去旗津係要坐船，而且係將架電單車一齊剷上船！
睇住隻船靠岸，我仍然坐喺謎謎架電單車上面，伸長咗條頸八卦，專心到都唔記得咗，我雙手仲係攬住咗佢條腰……
可能對手不自覺加重咗力度，令謎謎覺得我好緊張，出口安慰我：「不用緊張，不會甩出去的！」
「我不是怕，我是興奮！！」遞起手一嘢就抓住佢胳膊，搖咗佢幾嘢，表達我真係興奮到爆炸：「我沒想過摩托車上船耶！！現在我就要作出人生的第一次了！怎麼辦？！」
戴住口罩我只係睇到謎謎對眼變咗腰果，證明佢係度笑緊：「好吧！那妳這人生的第一次我要拿走了！」
講完就發動引擎，跟住前面嘅電單車剷上船。
（待續）
她的700公里的距離－遠距離戀愛真人真事改編(不定期更新)
這裡的故事，全都是真人真事改編、有關遠距離戀愛的故事！
http://miu-nan.blogspot.com/2018/07/700.html
這裡的故事，全都是真人真事改編、有關遠距離戀愛的故事！
http://miu-nan.blogspot.com/2018/07/700.html
