700公里的距離 - 港女居台婚嫁手帳

2018年7月8日星期日

有關「她的700公里的距離」

這裡的故事，全都是真人真事改編、有關遠距離戀愛的故事！

✎喜歡的按個讚、留個言，讓故事主人翁知道有你們支持唷！

🔊你們在遠距離戀愛ing？想分享你們的故事嗎？到Facebook私訊跟苗聊聊你們的故事，讓苗為妳寫成「她的700公里的距離」！

追蹤更新：700公里的距離 - 港女居台婚嫁手帳

MiuMiu

因為結婚，在香港土生土長的Miu，捨棄了香港的一切，嫁到台南。請不要期望，這裡是歌頌愛情、唱好移民之類的話題～這裡只有血！淋！淋！的生活見證（笑） 快來追蹤Facebook 700公里的距離 - 港女居台婚嫁手帳

2018年5月7日星期一

700公里的距離 - 苗與南的故事 36~40集（完）

結果計劃還計劃，一嚟就急到瀨；苗本身係百無禁忌、破日都唔介意結婚搬屋嘅人，之不過長老都度咗通勝期，孝子賢孫梗係跟啦！於是就連阿媽都一齊幫手，發癲咁搵場地！
苗嘅家人圈、朋友圈、同事圈都散佈全港九新界，諗一諗都係油尖旺最方便，於是搵咗幾間，去現場睇睇，覺得都係酒店好，畢竟南嘅陪嫁……啊唔係，係陪娶團，點都要住宿，於是乎喺幾乎無得揀之下、再有限度精挑細選，就扑錘一間酒店嘅場地，終於有覺好瞓！

2018年3月20日星期二

700公里的距離 - 苗與南的故事 31~35集

著起婚紗，係好多女人嘅夢想；我嘅第一次婚紗加新娘化妝，獻咗俾一次私人攝影。
無特別興奮，應該話無特別感覺！就影相嘛！只係攝影師俾我睇返嘅時候，覺得都幾靚喎，就send咗幾張俾南睇。
其實，我無咩意思，唔係催婚，因為我自己係怕婚姻嘅人，隔住個mon亦唔知南睇到嘅反應，要事隔一個月輪到我飛台南，去到阿南屋企開電腦，先發現其中一張相已經變咗做wallpaper……

2018年2月11日星期日

700公里的距離 - 苗與南的故事 26~30集

第01～05集：http://goo.gl/XVnPwL
第06～10集：https://goo.gl/6L86yt
第11～15集：https://goo.gl/so2NJe
第16～20集：https://goo.gl/t3fAAc
第21～25集：https://goo.gl/BR5z9g

喺阿愷度借張梳化瞓咗晚，第二日我就一個人出發去以前讀書嘅地方。
觀光、返去以前成日去嘅地方睇吓，又約吓老師約吓舊同學吹水，盡情咁迆！

喺美國出咗張電話卡，傍晚就收到阿寶越洋來電：「喂！早晨！」
「哇幾點呀？瞓唔著？」
「睇日出呀！」原來單身嘅阿寶，同我介紹俾佢嘅一個男性朋友搞浪漫！我望下日曆，未到聖誕喎，駛唔駛咁Love is all around？！驚訝之餘，被知道我點解「走佬」去美國嘅阿寶問我諗成點。
「未呀，靜下添啦……」
「啱啦，靜下迆下，啱咪見多啲，唔啱咪見少啲囉！」

2017年12月30日星期六

700公里的距離 - 苗與南的故事 21~25集

第01～05集：http://goo.gl/XVnPwL
第06～10集：https://goo.gl/6L86yt
第11～15集：https://goo.gl/so2NJe
第16～20集：https://goo.gl/t3fAAc

「望妳喎」
「咩呀？！」雖然係廣東話，但阿南對咗我地兩三日，已經聽得明「咩呀」兩個字，於是識得回應「咩呀」嚟扮傻帶過！！

不經意就咁諗起咗三個男過客，所以話呢個旅程又邊有咁好死？！即日就手機響兩次！玩咩？咪就係有兩個面皮十呎厚嘅前男友，好似約埋咁，分別send SMS嚟，翻我千層浪囉！
首先係果位玩遊戲嘅沈郎阿安，話路過赤嵌樓，「想我」！
然後係果位被我莫名其妙飛甩咗既前男友，又嚟賽後檢討，話佢積極改進中……
做咩啫？一個為咗玩遊戲，一個失去咗先識珍惜！
轉手掉俾阿寶睇，咩係好朋友？就係一邊指住嚟笑一大輪，一邊俾你一個大擁抱！

2017年12月2日星期六

700公里的距離 - 苗與南的故事 16~20集

第01～05集：http://goo.gl/XVnPwL
第06～10集：https://goo.gl/6L86yt
第11～15集：https://goo.gl/so2NJe

三日，阿安都係未有現身，雞食放光蟲，所謂「男女朋友」，只係遊戲一場。

星期日下晝謎謎陪我搭捷運，走到地面就嚟踏入機場嘅時候，正式夢碎，忍唔住感傷鼻酸，紅咗眼吸咗一下鼻水，就兩個人一齊停咗腳步……
果種感覺非常之討厭，雖則用情未深，但絕對係浪費時間浪費感情，不忿自己太天真，點解唔去相信自己身為女人嘅直覺，而去相信一個第一日見面就心知佢係一個玩家嘅人？

2017年11月13日星期一

700公里的距離 - 苗與南的故事 11~15集

第01～05集：http://goo.gl/XVnPwL
第06～10集：https://goo.gl/6L86yt

跟住前面嘅電單車剷上船，樓上係客座，呢一層就一片空並無座位，搵咗個位停好，就熄匙落咗腳架，繼續坐喺電單車上面，除咗頭盔，但我地都無除口罩，因為陸續仲有電單車上船，氣味非常難聞；我就稍稍用力、一隻腳跨返嚟打側坐，只係電單車嘅座位係向前斜，所以地心引力令到我一邊手臂稍稍挨住咗謎謎背脊，謎謎亦都好有紳士風度，直咗腰板任由我借力。

2017年10月26日星期四

700公里的距離 - 苗與南的故事 6~10集

＊＊廣東話版＊＊　＊＊書面語版＊＊

書面語版

700公里的距離6~10集(書面語版)

第二天早上，我和小櫻出門又分道揚鑣，我去高雄找網友，她要忙做伴娘。
那天是第一次體驗台灣火車，坐計程車抵達台南火車站，光買票就已經翻盡了腦袋，原來從台南去高雄，就像尖沙嘴去美孚，西鐵線第三個站就到，但也可以荃灣線第八個站到達，而那些「線」，其實是不同種類的火車，區間車、莒光號、自強號，想要快，當然就是自強號。